ԵՄՀ ԴԻՄՈՐԴԻՆ

ՀԵՌԱԿԱ-ՀԵՌԱՎԱՐ ՈՒՍՈՒՑՈՒՄ

ԵՄՀ-ի նպատակներից է՝ հեռակա ուսուցման համակարգում հեռավար կրթական նորագույն տեխնոլոգիաների ներդրման միջոցով բարձրացնել ուսուցման արդյունավետութունը, նպաստել, որ ուսումնական հաստատությունից հեռու ուսանողները, այդ թվում`աշխատող, առողջական, մարզերում բնակվող կամ այլ պատճառներով բարձրագույն կրթություն ստանալու սահմանափակ հնարավորություններ ունեցող անձինք համակարգված գիտելիքներ ստանան: Հեռակա կրթության արդյունավետության բարձրացման նպատակով դասախոսները կիրառում են ուսուցման խառը (blended) մեթոդներ։

Հեռավար ուսուցման գործընթացի ապահովման համար ավանդական տեղեկատվական ռեսուրսների հետ մեկտեղ օգտագործվում են հեռավար ուսուցման ժամանակակից միջոցներ, ինչպիսիք են` էլեկտրոնային դասագրքերն ու ուսումնական ձեռնարկները, ուսումնական տեսաֆիլմերը, տեսաժապավենները, աուդիո ձայնագրությունները, համակարգչային ծրագրերը և այլն: Դասավանդման բոլոր նյութերը վերբեռնվում են դասախոսների կողմից MICROSOFT TEAMS հարթակում։ Ուսանողը, մուտք գործելով ԵՄՀ վիրտուալ համակարգ, ուսուցման ողջ ընթացքում ստանում է նյութեր և իր կրթության վերաբերյալ ողջ տեղեկատվությունը։

Հեռակա ուսուցման համակարգում ուսուցումը 5 տարի է, և 240 կրեդիտը բաշխվում է 10 կիսամյակների միջև: Ուսումնական գործընթացը կազմակերպվում է 2 կիսամյակով` յուրաքանչյուրը 4 շաբաթ տևողությամբ: Հեռակա ուսուցման ուսումնական պլաններում առարկաները համապատասխանում են բակալավրիատի առկա ուսուցման ուսումնական պլանի առարկաներին` նույն մոդուլներով և կրեդիտներով, բացի ֆիզիկական դաստիարակություն առարկայից: Հեռակա ուսուցման համակարգում սովորող ուսանողն ուսումնական պլանի համաձայն հանձնում է անհատական (դասախոսի խորհրդատվությամբ) և ինքնուրույն աշխատանքներ:

ՀԵՌԱԿԱ ՈՒՍՈՒՑՈՒՄ

1. Հեռակա ուսուցմամբ ԵՄՀ-ն ընդունելություն է կատարում բակալավրի կրթական ծրագրով հետևյալ մասնագիտություններով․
   • Կառավարում (ըստ ոլորտների)
   • Իրավագիտություն
   • Անգլերեն լեզու և գրականություն
   • Տեղեկատվական համակարգեր
   • Տարրական մանկավարժություն
   • Լրագրություն
2. Դիմորդները հեռակա-հեռավար համակարգի ընդունելության մրցույթին մասնակցելու համար  դիմում-հայտը լրացնում են առցանց՝ հետևյալ ՀՂՈՒՄՈՎ:
3. Եվրասիա միջազգային համալսարանի հեռակա ուսուցման համակարգում ուսուցումը 5 տարի է, և 240 կրեդիտը բաշխվում է 10 կիսամյակների միջև: Ուսումնական գործընթացը կազմակերպվում է 2 կիսամյակով` յուրաքանչյուրը 4 շաբաթ տևողությամբ: Հեռակա ուսուցման համակարգում սովորող ուսանողն ուսումնական պլանի համաձայն հանձնում է ինքնուրույն աշխատանքներ: