Մարտի 07 2017

ՍՈՒՐԵՆ ՕՀԱՆՅԱՆԻ շնորհավորական խոսքը Մարտի 8-ի, կանանց միամսյակի մեկնարկի առթիվ

 

Եվրասիա միջազգային համալսարանի, հենակետային վարժարանի, Օհանյան կրթահամալիրի և «ՆՅՈՒՏՈՆԻԿ» նախակրթարանի  սիրելի մանկավարժ-կանայք, մեր սաների մայրեր:

 Ջերմորեն  և խոնարհաբար շնորհավորում  եմ  բոլորիդ Մարտի 8-ի գարնանային տոնի և միամսյակի առթիվ: Կրթական մեր համատեղ գործունեության ընացքում դուք վճռորոշ դեր եք խաղացել, առանձնացել եք նորարարությամբ, կրեատիվ առաջարկություններով, Եվրոպական կրթական մշակույթի ներդրման նախաձեռնություններով: Որակական հենց այս հատկանիշների շնորհիվ է, որ կրթական բոլոր ստորաբաժանումները գործում են պետականորեն հաստատված չափանիշներով:

Կրկին շնորհավորելով բոլորիդ` ցանկանում եմ բարձրաձայնել, որ ձեր առանձնահատուկ շնորհը նպաստեց ծնողների կողմից մեր կառույցների նկատմամբ հավատի ձևավորմանը: Ոչ պակաս կարևոր էր տարիների ընթացքում ծնողների կողմից վստահությունը, ինչն անչափ պարտավորեցնող է;
Մեր համատեղ հաջողության գրավականը հե’նց հավատն է ու փոխվստահությունը: