Եվրասիա միջազգային համալսարանի հեղինակային վարժարանը  կազմակերպում է աշակերտական 2-րդ գիտաժողովը՝ «Հայկական անկախ պետականությունները նորագույն ժամանակաշրջանում» թեմայով:

Գիտական առանձին զեկույցները կարող են վերաբերել Հայաստանի Առաջին հանրապետությանը (1918-1920թթ.), Խորհրդային Հայաստանին (1920-1991թթ.) և Երրորդ հանրապետությանը (1991թ․-մինչ օրերս)՝ ներառելով հետևյալ ոլորտները՝

Մասնակիցները. գիտաժողովին կարող են մասնակցել հիմնական դպրոցների 8-րդ և 9-րդ դասարանների աշակերտները: Խրախուսվում են ուսուցիչ-աշակերտ համատեղ հետազոտությունները: Լավագույն զեկույցները կտպագրվեն առանձին ձեռնարկով, իսկ հեղինակները կարժանանան հավաստագրերի։

Մասնակցության կարգը. գիտաժողովին մասնակցելու համար անհրաժեշտ է  մինչև ս/թ ապրիլի 10-ը գիտական զեկույցը ներկայացնել Եվրասիա միջազգային համալսարան (403 սենյակ) կամ ուղարկել էլեկտրոնային հասցեին։

Անցկացման վայրը և օրը. գիտաժողովը տեղի կունենա Եվրասիա միջազգային համալսարանի նիստերի դահլիճում 2016թ. ապրիլի 22-ին՝ ժամը 10:00:

Ելույթի տևողությունը և ծավալը` առավելագույնը 10 րոպե, մինչև 5 էջ:

Հոդվածին ներկայացվող պահանջները.

• Զեկույցի սկզբում վերնագիրը գլխատառերով, հաջորդ տողում` հեղինակի անուն –ազգանունը:
• Տառատեսակը` Sylfaen, տառաչափը` 11, ծանոթագրությունների տառաչափը` 10:
• Տեքստի միջտողային հեռավորությունը` 1,5, ծանոթագրությունները` 1:
• Հղումները և ծանոթագրությունները տրվում են տողատակում footnote` աճման կարգով: Տողատակում նշել հեղինակի ազգանունը, անվան առաջին տառը, աշխատանքի անվանումը, հրատարկության տեղը, տարեթիվը, (ամսագրերի կամ մամուլի դեպքում` համարը), էջը: Զեկույցի վերջում պետք է ներկայացվի օգտագործված գրականության ցանկ:
• Զեկույցի վերջում նշել դպրոցը, դասարանը, հեռախոսը և էլեկտրոնային հասցեն:
• Զեկույցին ներկայացվող պահանջները տես http://www.college.eiu.am կայք-էջում

Ծանոթագրություն․

1․  Զեկույցին կցվում է պատմության ուսուցչի երաշխավորագիրը:

2. Ներկայացված գիտական զեկույցները նշված պահանջներին չհամապատասխանելու դեպքում չեն ընդունվի։

3. Գիտաժողովի աշխատանքներով հետաքրքրվածները կարող են դիմել ծրագրի պատասխանատու Մերի Շահբազյանին` հեռ. 010209485, 093955584 կամ էլ.փոստ.  mary.shahbazyan@eiu.am: